Naxçıvan MR ərazisində radio proqramlarının yayımı 1932-ci ildə rəsmi olaraq fəaliyyətə başlamışdır. Muxtar Respublika ərazisində televiziya proqramlarının yayımı 1963-cü ilə təsadüf edir. 1967-ci ildə rəngli ( SECAM) yayımına keçid baş verdi və yayım texnologiyası təkmilləşdi. 1990-1993-cü illər –Naxçıvan TeleRadiosu üçün mühüm dövrlərdən biridir. Bu dövrdə Naxçıvan informasiya blokadasında qalmışdı və teleradio yayımı muxtar respublikanın sosial-siyasi həyatında əsas tribuna funksiyasını yerinə yetirirdi. 2004-cü ildən Naxçıvan MR Radio Televiziya Ötürücü Mərkəzi “ Rabitə və Yeni Texnologiyalar Nazirliyinin struktur vahidi kimi funksioanal fəaliyyətini davam etdirmişdir. Azərbaycan Respublikası Nazirlər Kabinetinin 2011-ci il tarixli “Azərbaycan Respublikası ərazisində DVB-T standartlı rəqəmsal yayım sisteminin tətbiqi və İnkişaf Proqramı” respublika ərazisində rəqəmsal televiziya yayımının təşkili , DVB-T standartlarına keçid və texniki-infrastrukturun inkişafı üçün əsas hüquqi bazanı təmin etmişdir. 2014-cü il dekabr ayının 4-də muxtar respublika ərazisində analoq televiziya yayımı təmamilə dayandırılmış və DVB-T standartlı rəqəmsal yayıma tam keçid təmin edilmişdir. 2008-ci ildə Naxçıvan MR ərazisində İP televiziya fəaliyyətə başlamışdır. Bununla da İP TV texnologiyası ( İnternet Protocol television) – İP protokolu üzrə məlumatların ötürülməsi şəbəkələrində rəqəmli interaktiv televiziyanın yeni nəsli olmaqla interaktiv və inteqrasiya olunmuş xidmətlərin göstərilməsinə imkan yaratdı. Naxçıvan Naxçıvan Muxtar Respublikası Ali Məclisinin Sədrinin 01 fevral 2020-ci il tarixli Sərəncamı ilə “Radio-Televiziya Ötürücü Mərkəzi” publik hüquqi şəxsə çevrilmişdir. Naxçıvan MR ərazisində yayımlanan DVB-T standartlı televiziya proqramlarının eləcə də FM bandlı radio proqramlarının yayım əhatə dairəsinin genişləndirilməsi, efir məkanının keyfiyyətli və dayanıqlı yayımla təmin olunması üçün “Radio-Televiziya Ötürücü Mərkəzi” tərəfindən mühüm işlər həyata keçirilmişdir. Təsadüfi deyil ki, məhz Cənubi Qafqazda SFN tək kanallı rəqəmsal televiziya şəbəkəsi ilk dəfə muxtar respublikamızda tətbiq olunmuşdur. Hal-hazırda Muxtar Respublika ərazisi 49 ədəd rəqəmsal verici vasitəsi ilə rəqəmsal yayımla təmin edilir.Bununla belə, eyni zamanda Naxçıvan Radiosu radio proqramı rəqəmsal paketin tərkibində izləyicilərə təqdim olunur. Naxçıvan Muxtar Respublikasında rəqəmsal televiziya şəbəkələrinin tətbiqi və inkişafı baxımından böyük layihələr həyata keçirilmiş, uğurlu addımlar atılmışdır.Görülən bütün bu işlər Muxtar Respublikada rəqəmsal televiziya və radio sahəsinin inkişafını daha da sürətləndirmişdir. Şərur, Ordubad, Sədərək və Duzdağ Radio-Televiziya Ötürücü Stansiyalarının müasir dizayn üslubunda inşa edilmiş, müasir dövrün tələblərinə cavab verən yeni texniki binalara köçürülməsi, stansiyalarda verici avadanlıqların, eyni zamanda optik transmissiya şəbəkəsinin təkmilləşdirilməsi avadanlıqların səmərəli istismar olunması üçün əlavə stimul yaratmışdır. Naxçıvan MR ərazisində televiziya və radio proqramlarının yayım keyfiyyətinin məqsədi ilə Naxçıvan MR “Radio-Televiziya Ötürücü Mərkəzi” publik hüquqi şəxsi mütəxəssisləri tərəfindən Şərur, Culfa, Babək, Şahbuz və Ordubad rayonları ərazisində texniki-normativ tələblərə uyğun olaraq radio-televiziya kanalarının efir keyfiyyətinin yoxlanması üçün monitorinqlər həyata keçirilir. Əməyin mühafizəsi və texniki təhlükəsizlik qaydalarına əməl olunması istiqamətində də bir sıra məqsədyönlü təqdbirlər həyata keçirilir. Mühəndis-texniki heyətin fərdi mühafizə vasitələri və xüsusi geyim forması ilə təmin edilməsi və mütəmadi olaraq mövsümü təlimatlarla marifləndirilməsi bu qəbildən olan işlərin davamıdır. Beynəlxalq Telekommunikasiya ittifaqının tələb və tövsiyələrinə uyğun yüksək peşəkarlıq qabiliyyətinə malik kadrların yetişdirilməsi, yeni nəsil avadanlıqlarının tətbiq olunması və istismarı, rəqəmsal televiziya və radio yayım avadanlıqlarının keyfiyyətinin daim yoxlanılması Mərkəzin fəaliyyətinin tərkib hissələrindəndir. Muxtar Respublika ərazisində televiziya proqramlarının yayımı DVB-T standartında rəqəmsal paket formatında həyata keçirilir.